DAY 5、DAY6真是各有各難忘, 看4天CON..4天完全不一樣的體會真是第一次
以前都是同一個旅伴同一個戰友完成全個睇CON之旅
今次真是特別中的特別!!
⑤ 20150922
回仙台去~ 就是沒有Jun色^^
ただいま
酒店附近, 一直都接受唔到紫星人的設定@_@
去今次宮城之行第3間酒店放低行李
仙台駅内郵便局
上次來宮城時未開始玩去到邊寄到邊...
所以今次來到...覺得張張POSTCARD都見過 / 經歷過...選擇困難...
最終揀左一般人應該最唔會買的兩張之一XD
ずんだ餅
因為..今次旅程食了很多。回憶來的!
今次學會了咁樣玩!!
比起寄香港慳好多了^^ 儲自己足跡的風景印變成了新樂趣。(82円係貼多左)
在LOFT逛一下便出發會場~11:30開始出發去車站
第一次搭仙台発的穿梭巴.
上車位置比想像中遠. 馬路兩邊行人路都是排隊的人
排了成條街咁長, 誇張。
不過..我們3日去程的穿梭巴1秒都無排過, 原來是咁樣的^^
11:50已上車, 40分鐘後到會場。比想像中好得多
到了
終於見到這個BANNER
一到步就係排隊排隊排隊排隊..未食野/_\
呢樣野都算係今次最神奇的風景---大家都變得唔講儀態
望住呢個風景的第3日
後半的日程出現了場外表演團隊
可愛
佢識望鏡頭^^
佢嬴左XD
22了~明天最後
今天對我來說也是特別的,
第一次在日本睇CON是和朋友一起4連位
海外旅遊要夾到同好真的好難啊!!
今次4場入面, 後面兩場都是盲票..4連的話會比較貴一點, 不過..難得一次^^ 值的
盲票唔係2樓算係咁, 算是1樓正中間部分。
今次最貴已經係呢張飛,,,即是沒有覺得貴的意思。
完場後不願走..又到大家都走哂先走
住過石巻的人表示:最後兩晚住到仙台市內整個人變得好放鬆.....
完全無諗過要急住去排隊搭穿梭巴走^^
22
早晚一張^^
這也是「能拍一萬次」的看板^^
之前搭的是利府穿梭巴, 車站在另一邊
今晚才第一次欣賞到這個大迷宮, 好欣賞這個陣!
不過...入去參觀完就出來@_@
因為排到CHECK票點發覺掉了車票(置頂圖左上就是曾經擁有的票了),
好傻仔!! 20:00開始排, 20:33左右才到CHECK票點啊
人多得沒可能讓你沿路找票
大家都覺得無所謂就好了.沒有人生氣
好搞笑地慢慢散步走回頭
步出那個迷宮陣之後..再一次回望一下仙台穿梭巴的排隊隊伍...真是一世人前所未見咁恐怖..
排隊搭車, 每列大約已經有10人的闊度, 竟然也能排成這樣子.., 所以是真心恐怖的
這個長度。
題外話, 主辦單位很貼心..知道等車其實係有人要等到22:00 , 完場是19:00
很長的時間, 所以,,就算完場也一直能聽到嵐的歌, 整個地方都接了喇叭播歌,很有氣氛的
https://www.youtube.com/watch?v=j3AIvFmFhzg
接受事實, 走回會場(必經的)
服了我地兩個~完全唔當無左車飛係咩一點事
還覺得難得見到會場無人 / 之前無好好看過晚上風景...一直在留念
預祝中秋^^
待在這3個白天, 突然看到夜晚的狀況覺得一點都不熟悉
♪月明かり浴びる
會場名果度都關燈了, 只剩返青光.
呢個咁夜既時間,,
在場外留意到STAFF在忙著搶修飛天裝置(今晚壞了), 辛苦哂!!
竟然又要落多次呢條樓梯 → 行去利府站的樓梯
以為住了仙台, 不會再來這邊...今晚真心傻仔。
最後最後..終於步出會場..我地真係好夜
徒歩的人基本上完全都已走了很遠
所以又是另一種體驗
沿途可能有近半百個警察有一刻只係服務我地兩個XD
雖然都係因為白痴才掉了車票, 但這一刻好窩心。
每到一個馬路口就有警察打招呼, 叫你小心。
然後..都是因為掉了車票, 欣賞到咁寧靜既會場外面..
才懂得去留意為左呢個CON..Staff做左幾多野...
完全離開了會場的部份其實主辦單位大可以放手不管.
但你看到的是..會場外的街道有一大段距離都設有臨時燈 (當然沒有整到去利府站咁誇張)
原本前日回程也有經過了同樣地方, 都不覺得是什麼特別..因為人太多, 果一刻覺得有燈光係理所當然@_@
原來有寫明時間的。
過了多人徒歩的高峰時間..過了行車高峰時間...過了有交警指揮有臨時大燈的最初路段
呢條路真係黑到無人有。
已經過左穿梭巴高峰時間, 無車燈照路, 同前日狀況完全唔同哂。
因為終於用得著自己帶來的電筒, 竟然開心...@_@
可能真係痴左線了。
(連續3張相)
1. 這是有車黎緊..算係勉強睇到地下的。
2. 直接隔離有車先可以有咁光. 就同前日一樣, 全程都有咁光
3. 無哂車之後, 就算你話前面係個海我都信。重點係相機已經影光左了。
唔開電筒乜都睇唔到
之後...睇黎真心痴左線...
唔覺意發現個天好靚..滿天星睇得超清的,
有兩個人企在背向馬路果邊欄杆睇星星.....
試下set個相機影相之際
機都未SET好...仲係影緊D咁既相時...
有架車停左係後面...有個年青男說「這裡危險, 真係危險呀, 你地去邊?, 車埋你地丫. 危險呀..唔好留在這」
有兩個人其實掉了車票內心是打擊的..就算是唔介意.唔會唔高興...但真係覺得攰唔想行都係事實
所以果一刻兩個人雙眼放光.大家打個眼色看看有沒有共識..最後上車了
萬幸遇到的是一個優しい男, 全程一直跟你對話, 好輕鬆的氣氛
他車我地去利府站!! 剛開始行無耐有就順風車坐, 最少行少左45分鐘, 真係感謝カンゲキ!!!
世界上都有壞人我們是知道的....果一刻我地仲有少少理智...
兩個都係日本公司工作的人.事後都說..因為呢度係鄉下才會上車.如果是東京..就算沒終電沒的士也不會上車。
大城市人的思想好像只有男男女女完全沒其他。嗯...就係咁樣。所以覺得是鄉下地方........可以試下......而且第一天搭過穿梭巴..第2天徒歩過全路程...所以也能自己觀察到車外路段有沒有不對的地方。
最後, 原來我們也不算太夜,
22:00到利府站後, 碰上了最後一班利府穿梭巴的嵐飯下車, 也見到利府站STAFF全員收工挨拶、跟這兩堆人一同JR回仙台^^
我們就這樣玩了一大輪也能跟最後一班穿梭巴一樣時間到利府站..到底大家排隊排了多久?(說風涼話了XD)
然後笑死了
(又連續3張的故事)
剛才未影完星星匆匆忙忙便上車了, 還未SET回相機.....
一直影了爆光相片都沒有留意到..可能戶外環境太黑..沒有留意到太強的爆光效果出現
22:15瞬間回來了!
直至回到仙台站內..又影這個「能影一萬次」的看板
影完呢張相之後, 好記得大家個樣同反應一模一樣
2人望住相機個MON : 「"鵝"?! ( O 住個咀 ) 」, 無哂d看板XD
下一秒即刻諗到原因就笑左出黎。
最後..
今天故事竟然未完結...比起掉車票以上的事情還未出現...
在回酒店途中, 因為太夜未吃東西, 隨意入一間便利店買了個「小山卷」之後已沒有其他想吃的.. 離開後..大家今晚就是痴左線..
又覺得仲想買多點...然後去了第2間便利店..
偶然之下走到了あおば通駅附近的SEVEN
一入門口就看到這紙牌
丫~~~~~~唔覺意遇到「搶東北限定大戰」^^
我們入店時間是晚上11點都未夠的~~
明明寫住0時上架..
以為唔會關我地事啦, 因為無諗過等。。
買好了自己想買的東西後...
我又大開眼界多一次...
店員決定提早出貨..可能因為都有6-10嵐飯一直在店內等0時啦
大開眼界之處係..第一次見貨物全部唔上架, 一箱箱掉哂地下任你搶,
STAFF叫大家自己拆箱想買幾多拎幾多都得, 第一次真正覺得日本人原來都會有唔死板既時候, 因為真係上架都無用。
由我地比完錢買完原本的野→ 出貨→ 搶→ 再比錢....只係一兩分鐘內既事。好刺激又好好笑, 完全無睇價錢同埋係咩野就買了。
店員一邊幫我地貼貼紙一邊苦笑.
女人好恐怖XD
全部排隊的人都是同一目的(笑)
STAFF痴貼紙真係痴到傻左..仲要續件對食物名來貼貼紙
比完錢之後..左邊飲品已經開了第2箱了..藍色兜入面的各類零食最上層的紙盒幾乎都是吉的。。這速度!!!
就說了我們原本已經買了兩次便利店,,所以是滿手都是東西的狀況下再參與了這個即興搶野活動
所以..故事出來了
我地隨手每樣兩件! 無貪心的一人一份
但好明顯右手邊果支Mets只係放低左一支....
另一支無比錢的證據XD
兩個人夾到左右手都係野..買完同未買混埋左, 唔覺意做左賊。。。
因為藍色貼紙對我黎講才是重點.Mets是藍色的
回酒店的路上..諗住開心地把夾在手上的Mets拿起來看看...結果...
「無貼紙既??」
再重複一次自己剛才拿起Mets的動作....對了....是夾在手上...一直夾在手上....從搶的一刻..到比錢一刻都夾在手上...
開始醒覺沒比錢...拿單據看一看讓自己再清醒一點...嗯..真的沒比錢...
兩人回想剛才的刺激狀況直到發覺偷完東西這一刻....當街一起大笑了出來...
好吧..再入seven一次..一入去直接當無事發生過排在隊尾比錢去...兩人一直在笑XD
故事完畢。
發癲完畢!
這天一切實在太有趣味性^^
宵夜~再吃一次左下那6件, 好味~
⑥ 20150923
床太好訓.唔願起,
原本有Plan極少量行程的, 都取消了。
慢慢訓夠才起來,
在酒店食早餐的地方遇到昨天4連位的另外兩位戰友, 真巧
大家暫時都是「街坊樣」
一陣到會場後全部都變另一個人了^^
回房屋稍為打扮一下
跟朋友打扮的一模一樣, 想咁樣玩好耐喇^^
我也第一次整到自己身上大部分都咁藍
這天直接變成了只有酒店和會場這個行程, 自己歷史上第一次啊
準備上穿梭巴喇, 11:55開車. 12:30到會場. 一日快過一日
到會場後...因為同尋日又係同一時間到..所以..又係未吃午飯..
又係來排隊排隊排隊排隊排隊...人變得越來越懶排隊
一個檔口能買多少就盡量回來了
***前面果個人果件咩衫黎??? GOODS???
又試了另一檔冰, 今次連飲管都跟顏色的^^
最後一天, 轉移地點等入場, 之前幾天一直在找不曬的地方..
今天找露天的..原來好舒服, 曬著但有風, 完全唔熱, 可能東北的9月原本就不會很熱
就係因為轉了地方就發生了兩樣不能理解的事.
草地上半截的人全都被staff趕落下半
原因係「上面係通路」.....理解不能..全都是草地, 而且是樓級型,,兩邊都是圍欄..行唔到車. 也沒有人/staff會行呢度...通路for什麼物體的??!
成5萬2人去到邊趕到邊想人點樣?!= = (昨天在別的地方也比人趕過)
就算要講都講個好d既原因人地先服架。
雖然係咁..我都係會聽話的!
然後吃飽了, 等入場也會有悶的時候...
友人說覺得好靚,想在這草地梯級拍照.
結果被staff叫我地走.
個原因係「攝影禁止」!!..純粹覺得好荒謬, 草地有機密,有肖像權?
場外草地唔比影相第一次聽, 再次覺得日本人d道理可以去到另一個新境界。一開始封起以上提及的地方就可以了,不用廢氣力日趕夜趕...被趕到很累...= =
4日間最不滿的一段時間..完!
最後一次行呢條沙麈滾滾的路, 這位置空氣真的好差!! 只在吃灰, 很多人都是掩面走過的
23
作為嵐飯以來最盡興的一晚! 9年來睇嵐的RP都用在這座位的感覺
重點是...........這是盲票...而且是很低價的盲票。不是RP我也不知道是什麼了! 賣家太良心。
望唔到MAIN STAGE同CENTER對我黎講唔重要的。我一向較重視有得互動的小車 / 花道盡頭舞台。
而且而且...
通路命又發作.多得它.
友人借來的扇只有一人沒看到, 感覺好恐怖, 一直覺得睇嵐CON能入場已經係一件大事,,
今晚竟然很多從來覺得唔會關自己事的事情都發生了..詞窮,只覺得好恐怖^^
連MS現場直播都玩埋了。
今晚一切都有了.而且還多了兩種裝置..已瘋!
JUN SOLO就吊了個JUN在F15的正前方面向地面平躺..然後小車小車又小車(紅線, F8轉角是NINO, F7往F14是SHO.F16忘記了XD)..還有大車(好像只有Jun看過來揮手),,
壓軸一下真是尖叫到我和戰友癲了..
飛天波戴著5人一直於ARENA上面周圍飛, 一直處於不同高低點遊走...
SAKURA SAKE SHO RAP完後, LEADER唱完他的SOLO句,
看著嵐5人從F14. F15後方一直斜行移動過來...而且一直往下降...救命呀.上下距離超近....
迎面對著我們飛過來的還要是我和友人的本命大宮.
他們還各自很努力一直指下來 / 揮手...要瘋了...人生得這一「指」我和友人都感到很完滿 (是嵐飯生捱很完滿)
場地那麼大, 真是超感激他們倆剛剛好來到我們面前往下看
事後才說起大家看到飛天波衝過來再飛過我們正上方頭頂的一刻大家都是把口張很開..一直不受控地「丫~~~~~~~~~」
♪ サクラ咲ケ 君の「胸のなかで 」
DVD的這一句NINO大頭, 就是當時飛到最最最近我們而又看到他們樣子的時候
黃擔友人當場大概叫到快腳軟..我也不比她好XD
這晚花火不好看~
一日仍喜歡嵐...一日都會記得今晚的所有
完滿!
♪たとえ今夜が最初で最後の夜でも
再見! 一下子製造了4晚好回憶的地方
完全不捨得走, 因為應該都無機會再來這會場了。
回憶的小山坡, 衝下去就是爽^^
好喜歡這照片
終於見識到來往仙台的穿梭巴士陣!!
因為昨晚的蠢事.這4晚竟然用了4種不同的方法回程^^
終於今晚能直接搭巴士回仙台站了XD
那條仙台穿梭巴排隊隊伍都係畢生難忘的風景!!!好想知道實際長度@_@
因為係第一次排到來這地方.所以不知道是不是最後一晚的限定(可能性好大)
窩心的STAFF們會向所有離開現場的穿梭巴大大動作地揮手..
即使STAFF人在遠處. 唔近離場口,動作都一樣咁大.
お疲れ様!
21:35上車, 22:15下車
最後一晚, 依舊影這個「能拍一萬次」的看板XD
看板在車站天花真好, 沒有人知道你在拍什麼, 不會尷尬的^^
瘋了4晚, 心滿意足!!
留言列表